Kategoria Superiore rikthehet ditën e nesërme me 5 finalet e tjera që do të luhen sërish në të njëjtën orë. Java e 34-të dhe e 3-ta nga fundi do të luhet e gjitha në orën 16:00 me 5 sfida që në fund të 90 minutëshit mund të sjellë disa verdikte finale.
Tirana sfidon Laçin në transfertë në një sfidë direkte pas derbit ku bardheblutë arritën të merrnin një barazim mes mungesave duke ruajtur vendin e parë. Supersfida e kësaj jave ndahet mes kësaj dhe ndeshjes Partizani – Vllaznia. Të kuqtë vijnë me moralin e ulët teksa nuk ia dolën të bëjnë përmbysjen në derbi ndërsa shkodranët i dhanë fund ecurisë pa fitore duke u kthyer te 3 pikët ndaj Teutës.
Durrsakët nga ana tjetër kanë shmangur matematikisht rënien direkte por do të kërkojnë patjetër fitoren ndaj Kastriotit për t’u larguar edhe nga zona Play-Out. Për krutanët, një humbje e sotme e shoqërar me fitoret e Erzenit dhe Kukësit do të thonte rënie zyrtare nga Kateogria. Ama dy ekipet nuk do ta kenë të lehtë teksa përballen me Egnatian dhe Bylisin respektivisht.
Lexo gjithashtu
