Skuadra e Vllaznisë po kalon një formë jo të mirë ku në 7 ndeshjet e fundit ka marrë vetëm 7 pikë nga 21 të mundshme. Për këtë arsye kuqeblutë nga vendi i 3-të tashmë ndodhen në vendin e 5-të në kuotën e 43 pikëve. Shkodranët e shikojnë vetën 6 pikë larg vendit të 3-të, vend që të çon në kualifikueset e Conference League.
Por duket se e keqja nuk përfundur akoma pasi në ndeshjen e fundit ndaj Kastirotit që përfundoj me rezultatin 2-2. Në minutat e para të sfidës ra në sy dalja e Bekim Balaj nga fusha e lojës. Fillimisht u mendua për një dëmtim të lehtë. Por sulmuesi nuk është paraqitur ende në stërvitje me ekipin ç’ka e bën të mendohet se mund të jetë diçka serioze.
Kur kanë mbetur edhe 4 javë nga fundi i kampionatit mungesa e 32-vjeçarit do të ishte një minus i madh për shkodranët që do të luftojnë për të siguruar një vend në kupat e Europës.
Lexo gjithashtu
