Bajram Jashanica, i kontaktuar nga newsport.al ka folur për Skënderbeun e sezonit të ri. Jashanica e sheh ekipin e tij si kampionin absolut të Shqipërisë, pavarësisht se disa njerëz kërkojnë ta rrëzojnë.
"Edhe sivjet është një Skënderbe i fortë, akoma më i fortë se i sezonit të kaluar. Pavarësisht që disa persona mundohen të na hedhin poshtë, Skënderbeu do të tregojë prapë të gjithëve se ne jemi kampionët dhe do të jemi përsëri", thotë Jashanica.
I pyetur për trajneri Jashanica deklaroi:
"Agostineli është një trajner shumë i mirë, një njeri i madh. Ai është punëtor dhe shumë kërkues. Shumë shpejt do të përshtatemi me të dhe me detyrat që na jep".
Jashanica foli edhe për rivalët që do të sfidojnë Skënderbeun në sezonin e ri.
"Si rivalët tanë për këtë sezon të ri shoh Partizanin dhe Kukësin. Edhe Flamurtari me këto përforcime që ka bërë mendoj që do të jetë i rrezikshëm. Po ashtu dhe Tirana ka pretendimet e veta. Edhe ajo do të jetë një pikë e fortë e kampionatit", shtoi Jashanica.
Ndërsa kur u pyet për pjesëmarrjen e Partizanit në Champions League, dhe ish shokun e tij të skuadrës Arapin qendërmbrojtësi bardhekuq tha:
" Partizani ka bërë paraqitje të mira në këto ndeshje. Të shohim në ndeshjet e radhës tani. Për sa i përket Arapit kam shumë respekt për të , pasi e kam pasur shok skuadre. I uroj shumë suksese në skuadrën e re", përfundoi Bajram Jashanica.
Lexo gjithashtu
