Armando Cungu ka dhënë pak minuta më parë deklaratën e tij për mediat përpara ndeshjes së parë të kampioantit, e cila do të luhet mbrëmjen e nesërme në "Loro Boriçi". Ai ka folur qartë për përgatitjet e verës, kontigjentin që ka në përbërje, po ashtu edhe për atë që e pret në kampionat.
Diçka që ngjalli mjaft interes ishte merkato, ku Cungu u duk i pakënaqur nga ajo që zhvilloi këtë verë dhe pret me padurim janarin për të bërë "goditjen" e duhur për sulmin.
Oshilacionet dhe data e kampionatit ndikuan ndopak te programi stërvitor?
Kanë ndikuar, sepse shtytja e kampionatit na ka hapur probleme. Pasja mundësi për ndeshje miqësore ishte pothuajse zero. Ndeshjet miqësore tregojnë nivelin e skuadrës, por edhe vet sportistët fokusohen për në kampionat. Edhe shtytja e ndeshjes ka ndikuar në programin stërvitor. Edhe kundërshtari të njëjtën problematikë ka pasur, thjesht duhet të jemi gati për ndeshjen e nesërme.
Jeni i kënaqur nga kontigjenit që keni dhe a ka probleme në ekip?
Kontigjenti është i shëndoshë. Ka probleme shëndetësore, por duhet përgatitje e fortë fizike për lojtarët e ardhur së fundmi. Nuk besoj se do ta nisë nga fillimi ndeshjen lojtari i ardhur nga Kroacia.
Do të sulmojë nesër Vllaznia?
Do t'ia bëjmë të vështirë Kukësit.
Vllaznia ka kohë që nuk luan në këtë stadium, do të jetë një minus për skuadrën?
Nuk do të jetë diçka e mirë kthimi në këtë stadium, sepse skuadra nuk e ka parë stadium dhe aq më pak ta ketë prekur fushën. Do të jemi të njëjtë me kundërshtarin për këtë fushë. Duhet që të luajmë fort kundër kësaj skuadre.
Jeni nën presion ju dhe lojtarët?
Të jesh pjesë e Vllaznissë normalisht që presioni është mjaft i madh. Në këtë sezon pretendojmë Vllazni më të suksesshme dhe më kompetitive, sepse nuk luajmë për mbijetesën. Lojtari kroat ka plotësuar pak atë boshllëk që kemi. Shihet që ka kualitete që bën diferencën të paktën në stërvitje. Ai është pikë e fortë për ekipin tonë. Ne kemi vuajtur shumë sezonin e shkuar për sulmues. Jemi duke pritur me shumë dëshirë merkaton e janarit për të pasur një sulmues goli. Unë kam besim te grupi i djemve. Nëse jemi të aftë, që ta nisim mbarë dhe të bëjmë më të mirën.
Dëshironi ta nisni me fitore?
E thash dhe më sipër, në çdo stadium dhe çdo fushë duhet që të futemi për fitore. Kukësi nuk duhet nënvlerësuar. Ka ekip kompetitiv, që u vërejt dhe në ndeshjen e Superkupës. Nuk është e lehtë të përballesh me Kukësin. Në fund të fundit jemi Vllaznia, gjë që do të thotë shumë.
Lexo gjithashtu
