Fitorja e medaljes së artë nga Distria Krasniqi në Lojërat Olimpike të Tokios ka marrë një jehonë të madhe në mediat e shkruara dhe jo vetëm.
Shumë prej tyre kanë nisur të thurin lavde për forcën e treguar nga 26-vjeçarja, e cila i bëri për vete të gjithë.
Ajo arriti të nderojë Kosovën në këto Lojëra Olimpike, duke fituar medaljen e artë, ku fitoi në finale përballë japonezes Funa Tonaki në kategorinë 48 kg. Xhudistja mund të kishte përfaqësuar Shqipërinë, por nuk plotësoi kushtet e vendosura prej saj.
Në një intervistë në vitin 2016, trajneri aktual i xhudistes, Driton Kuka deklaroi se ishte i gatshëm që t'ia ofronte Shqipërisë këtë sportiste me kushtin e vetëm që t'i mundësonin kushtet ekonomike.
"Unë kam edhe një sportiste tjetër e cila është aktualisht Kampione e Botës për të rinj në xhudo në peshën 52 kg. Është në të njëjtën peshë me Majlindën. Unë jam i gatshëm që këtë kampione t'ia ofroj Shqipërisë, me kushtin që të kem një garanci nga shteti i Shqipërisë se do të investojë tek ajo, do t'i mundësojë kushtet ekonomike" përfundoi Driton Kuka.
Lexo gjithashtu
