Sylvinho shpalli listën për miqësoret e marsit, ku asnjë lojtar nga Superiorja nuk ishte ftuar fillimisht. 26 lojtarë të përzgjedhur luajnë në 12 shtete të ndryshme. Tashmë pjesë e kontigjentit për miqësoret ndaj Kilit dhe Suedisë është bërë Alen Sherri që i përket Egnatias, teksa Myrto Uzuni dhe Etrit Berisha nuk do japin kontribut për shkak të shqetësimeve që kanë hasur.
Por si kanë emigruar lojtarët e Kombëtares shqiptare? Italia është toka e preferuar për kuqezinjtë. Kjo pasi 7 prej tyre luajnë në Seria A. Bëhet fjalë për Berishën, Gjimshitin, Kumbullën, Hysajn, Asllanin, Ramadanin, Bajramin. Në Itali luan dhe Elhan Kastrati, që jep kontributin e tij me Cittadellan në Seria B.
Pas Italisë, më shumë lojtarë nga Kombëtarja luajnë në elitën e futbollit turk. Konkretisht Muçi, Cikalleshi, Manaj dhe Veseli. Në Spanjë aktivizohen Uzuni dhe Balliu në LaLiga, teksa Bare është pjesë e Espanyol në ligën e dytë spanjolle.
Broja dhe Strakosha janë pjesë e Premier League në Angli, ndërsa Arbër Hoxha dhe Mersinaj luajnë në Kroaci. Lojtarët e tjerë janë të shpërndarë në Emiratet e Bashkuara Arabe, Suedi, Rusi, Çeki, Korea e Jugut, Portugali dhe Rumani. Respektivisht bëhet fjalë për Seferin, Muçollin, Mitaj, Qazim Laçi, Asani, Mihaj dhe Aliji.
Lexo gjithashtu
