Flamurtari dhe Dinamo zhvilluan mes tyre edhe sfidën e javës së 20-të të Kategorisë së Parë. Mes shumë polemikash Blutë e kryeqytetit triumfuan falë një penalltie të shndërruar në gol nga Denisson.
Menjëherë pas ndeshjes Sinan Idrizi dhe Marselo Troisi ndanë rrugët mes tyre. Emër i përfolur për të marrë drejtimin e vlonjatëve ishte Diego Longo, i cili u pa i pranishëm në stadiumin “Flamurtari”. Por jo vetëm ish-trajneri i Kukësit, edhe ish-kapiteni i vlonjatëve, Artim Pollozhani është një tjetër alternativë për stolin, i cili aktualisht është ndihmës i Ilir Dajës te Ballkani. Pollozhani e njeh mirë ambientin dhe kjo përbën avantazh për të.
[caption id="attachment_685500" align="alignnone" width="300"]
Artim Pollozhani kur luante me Flamurtarin[/caption]
Por jo vetëm kaq, pasi presidenti ka gjithashtu një emër të 3-të në listë. Një tjetër timonier që ka drejtuar verilindorët është në listën e Idrizit. Bëhet fjalë për Mladen Milinkovic, me të cilin drejtuesit kanë komunikuar.
Këto janë orë të rëndësishme në Vlorë, ku pritet që skuadra të mësojë edhe trajnerin e ri që do t’i udhëheqë për 6 ndeshjet e mbetura në Kategorinë e parë, ku synimi i kuqezinjve mbetet rikthimimi në Superiore sezonin e ardhshëm.
[caption id="attachment_685501" align="alignnone" width="300"]
Mlladen MILINKOVIC kur drejtonte Kukesin[/caption]
Lexo gjithashtu
