Derbi i 6 marsit është ngjarja në me përfolur në mediat sportive. Partizani dhe Tirana do të vihen përballë njëra-tjetrës në sfidën që vlen më shumë se 3 pikë. Është një luftë për të veshur kryeqytetin me ngjyrat e tyre.
Derbit gjithmonë kanë prodhuar emocione, spektakël si në fushë dhe në shkallët e stadiumit. Rivaliteti është shumë i madhe mes dy ekipeve të kryeqytetit që kanë bërë historinë në futbollin shqiptar.
Një prej lojtarëve që e ka përjetuar një ndeshje të tillë është ish-futbollisti bardheblu, Erjon Hoxhallari, tashmë pjesë e UTA Arad në Rumani.
Ish-kapiteni që u shpall kampion me Tiranën ishte i ftuar në emisionin “Sport News” analizoi këtë takim, rrëfeu emocionet e tij, ndeshjen më të bukur dhe kujtimin më të bukur personal në një derbi. Sipas tij bardheblutë vijnë si favoritë në këtë derbi pasi ka luksin të luaj për të dy rezultatet. Mbrojtësi mëngjarash zbuloi se kush e vendos këtë derbi, ndërsa tregoi nëse ka pasur apo jo kontakte me stafin e ri të ekipit Kombëtar:
“Më ka marrë malli për Shehin, për Tiranën. E kam ndjekur në disa ndeshje, si në sfidën e fundit. Me largimin e disa lojtarëve Tirana ka rënie, por shpresoj të qëndrojë në krye.
Derbi? Derbi është ndeshja që duhet shijuar. Fitorja 5-1 dhe fitorja në derbi në “Elbasan Arena”, ku fituam titullin, janë dy ndeshjet më të bukura, goli që i shënova Partizanit kujtimi më i bukur personal.
Derbi i tretë? Tiranën e shoh pak më favorite, mund të luaj për të dy rezultatet.
Kush e vendos këtë derbi? Mendoj se ndeshjen do e vendosin dy sulmuesit e Tiranës, janë golashënuesit më të mirë, mendoj se do e vendos Hasani. Tirana e vjetshme ka qenë më e fortë, por shanset janë që të fitojë sërish titullin. Të ardhmes nuk i dihet, pse jo të arrijë ndonjë ekip tjetër jashtë. Nëse kthehem në Shqipëri, Tirana është ekipi i parë. Për momentin nuk kam pasur kontakte me stafin e ri të Kombëtares, por jam gati në çdo moment”, theksoi Hoxhallari.
Lexo gjithashtu
