Dejvi Bregu është rikthyer sërish te Luftëtari në formë huazimi nga korçarët për të luajtur ndeshjet e Europës. Ndërkohë që të gjithë po flasin për të ardhmen e Skënderbeut, gjirokastritët po zhvillojnë fazën përgatitore në Slloveni.
Lidhur me rikthimin në Gjirokastër dhe të ardhmen e tij, Bregu është kontaktuar nga Newsport.al, pronocimi në të cilin vlonjati zbulon disa detaje interesante.
- Rikthimi juaj te Luftëtari, e kishit menduar që qëndrimi te Skënderbeu do ishte kaq i shkurtër?
Qëndrim nuk mund të thuash sepse qëndrim do ishte vetëm në rast se Skënderbeu do luante këtë vit në ndeshjet e Champions Leagues.
- Çfarë nuk shkoi në Korçë që u detyruat të ktheheshit në Gjitokastër?
Agjenti im dhe Skënderbeu mendonin që të luaja ndeshjet Europiane me Luftëtarin pasi janë vitrinë e mirë për shitjen time më pas.
- Vendimi për t'iu bashkuat ish-skuadrës tuaj u mor nga ju apo ishte marrëveshje mes klubeve?
Vendimi është marrë nga agjenti im dhe Skënderbeu.
- Luftëtari në Europë, çfare prisni nga ky kompeticion?
Presim të luajmë me shumë dëshirë dhe iluzion këtë kompeticion që është për herë të parë në historinë e klubit dhe pse jo të marrim kualifikimin me shumë punë dhe të bashkuar.
- Si po shkon faza përgatitore, a priten supriza lidhur me merkaton gjatë këtyre ditëve?
Faza përgatitore po shkon shumë mirë, ndërsa përsa i përket merkatos nuk më takon mua të flas.
- E ardhmja? Pas Europës, cili do jetë destinacioni juaj?
E ardhmja ime është në një kampionat të rëndësishëm Europian pasi për këtë arsye agjenti im dhe Skënderbeu ranë dakort me Luftëtarin për këto ndeshje, pasi janë vitrinë shumë e mirë. /NEWSPORT.AL/
Lexo gjithashtu
