Vetëm 21-vjeç, por fiziku i tij është mbresëlënës. E nisi sportin e bodybuilding në moshën 16-vjeçare si çdo adoleshent për të pasur një trup të bukur. Përpjekje, lufë me karakterin, do bëhet, s'do bëhet... Në fund ia arriti. Rilind Lama është kampioni i "fitness model" në Kosovë për vitin 2017. Në një intervistë ekskluzive për newsport.al, ai ka treguar peripecitë që ka kaluar për të arritur në nivelet që është sot. Lama na zbulon edhe sekretet e këtij sporti kaq të bukur, por edhe kaq të vështirë. Këto dhe shumë të tjera mund t'i mësoni në intervistën e mëposhtme.
Intervistoi: Retin TOKA
- Si iu lindi dëshira për këtë sport?
Si i ri, duke kaluar kohë nëpër rrjete sociale si facebook, instagram etj, u frymëzova duke pare imazhe të sportisëve që punonin për një fizik të bukur. Kjo lindi si dëshirë për veten dhe u regjistrova në fitness.
- Sa kohë ke që ushtron?
Ky është viti i pestë me rradhë që vazhdoj.
- Sa e vështirë ka qenë në fillimet tuaja?
Çdo inisiativë e re kërkon kohë, disipline dhe përkushtim. Edhe për mua nuk ka qenë lehtë. Ky sport përveç që kërkon koncentrim psikologjik, kërkon disipline fizike i përcjellur me dhimbje trupi në fillim por synimi dhe vullneti më përcollën që nga fillimi dhe më mbajten që të mos ndalem. Nëna ime e ka një shprehje të bukur që mbase do t'iu hynte nëpunë të gjithëve: Kur je në rolin e mësuesit, nxënësi më i vështirë është vetvetja.
-Kush është motivi që të shtyu të arrije këto nivele të larta?
Motivi i pare eshte ambicja për një fizik të bukur por edhe të jam inspirim për të tjerët.
- Ky sport ka shumë kosto ekonomike por edhe kohore pasi do përkushtim maksimal. Mund të na zbulosh se si ia del?
Po është e vërtetë që është sport me kosto jo të ulët ekonomike por dua të falenderoj prindërit për mbështetje së pari morale, pastaj edhe financiare. Ata janë mbështetja ime numër një, pastaj gjatë udhëtimit tim në body fitness, trajneri im Burim Vraniqi ka qenë mbështetje e vazhdueshme gjatë ushtrimeve. Burimi ka siguruar sponsorin Poëer Food në Prishtinë me suplemente por mos ta harroj edhe shoqërinë, kam një shoqëri që më përkrah dhe inkurajon vazhdimisht.
- A ia vlen të investosh në një sport të tillë që akoma është i pa zhvilluar në Kosovë?.
Pse jo, Unë jam 21 vjeçar, jam i ri, është detyrë e jona të sjellim ide innovative në Kosovë për gjeneratat që do vijnë. Sporti nuk e dëmton njeriun. Sporti është pro-life.
- Ju jeni kampion i fitness model. Na tregoni çelësin e suksesit tuaj.
Në rradhë të pare falenderoj Zotin për shëndetin dhe dukjen. Nga këto që mi ka dhënë, ka qenë detyrë e imja që ti shti në përdorim, dhe pasi ambicja ime ishte fiziku I bukur, jam këtu ku kam dashur të jam. 8-
-Idhulli juaj cili është?
Gjatë këtyre pesë viteve sigurisht që jam kujdesur që të mos krijoj idhuj por është e vërtetë që kam përrcjellur njerëz të suksesshëm të ketij sporti dhe në fakt edhe ata kanë pasur një rol inspirim për mua j. Një ndër ta ka qenë Arnold Schëarzenegger dhe një thënie e tij që thotë: “Kuptimi i jetës nuk është thjeshtë egzistenca por të ecësh përpara, të ngjitesh lartë, të arrish dhe të konkurosh”.
-Trupi juaj është për t'u admiruar dhe besoj që s'e keni të vështirë me femrat, apo jo?
…Qëllimi im në jetë me anë të këtij sporti është të promovojë rëndësinë e shëndetit dhe të dukurit fit. Është mire të kesh tifoz apo adhurues të trupit tim dhe kjo mund të paraqet një pasiguri për tu përmbajtur ndaj gjinisë femërore por edhe për këtë kam mësuar që duke luftuar pasigurinë përgatitem për të dashur më shumë personin e jetës time.
- Shpesh ka nga ata që ushtrohen nëpër palestra, por ndryshimet janë minimale për të mos thënë fare. Ku qëndron problemi? Mund të na e zbuloni?
Hapi i pare drejt suksesit në çdo gjë mendoj është që atë që synon e dëshiron për vete. Shpesh në palestër habitemi duke shikuar të tjerët, ndërsa ora ec. Të kalon koha e ushtrimeve duke menduar se ke bërë ushtrime por në fakt ti ke menduar si të bësh ushtrime. Shko në palestër, bëj fitness per vete, mendo se si po e arrin secilin ushtrim me përkushtim .
- Një dietë e thjeshtë për të gjithë ata që ushtrohen në palestër.
Duhet të vetëdijesohemi të qëndrojmë larg sheqerit,ne rradhë të parë si dhe yndyrnave të parafinuara, sa më shumë fruta, perime dhe mish të bardhë. Ti nuk guxon të shkosh në palestër menjëherë pas dreke ose darke. Ti duhet t'i japesh stomakut kohë që të fillojë me tretjen dhe ta tresë pjesën më të madhe të ushqimit të konsumuar.
- Një program të thjeshtë për mënyrën e ushtrimit të muskujve?
Mendoj që ushtrimet është vështirë për ti demonstruar në shkrim por eja në Gym One dhe do t'i demonstroj.
Lexo gjithashtu
