Arben Koroni, instruktori që jeton në Tiranë dhe ka disa vite që merret me palestrën, në një prononcim për newsport.al ka treguar sa kohë iu ka dashur të arrijë atë formë fizike që ka. Instruktori ka folur për dobishmërinë që ka aktiviteti fizik dhe gjithashtu ka dhënë disa këshilla të vlefshme për të gjithë ushtruesit e palestrës.
- Keni shumë kohë që merreni me palestër, duke qenë ndër të parët në Shqipëri. Cilat kanë qenë peripecitë që ke hasur gjatë rrugës?
Kam rreth 18 vjet që merrem me palestër dhe e kam filluar në moshën 17 vjeç .
- Beni njihet si një ndër instruktorët më të mirë në Shqipëri. Cili ka qenë çelësi i suksesit?
Çelësi i suksesit nëse mund ta quaj të tillë, kanë qenë njohuritë dhe pasioni për të arritur qëllimin e çdo klienti.
- Vetë e keni menduar të ngjiteni në skenë?
Nuk kam menduar asnjëherë të ngjitem në skenë, por do të kisha dëshirë të provoja emocionet dhe eksperiencën që fitohet në ato kompeticione.
- Keni studiuar jashtë. Si është edukimi andej në lidhje me këtë sport?
Kam bërë një trajnim, por besoj se eksperienca fitohet me kohën që i përkushton palestrës e cila mund te jetë shkolla më e mirë dhe edukumi fizik kërkon kohën e vet dhe shumë përkushtim. Me pak fjalë është investimi më i mirë që mund të bëjmë për vete, të kujdesemi për vete dhe të ndihemi të shëndetshëm dhe energjik.
- Disa këshilla si të stërvitemi, një apo dy muskuj në ditë, si është më mirë?
Për sa i përket mënyrës së stërvitjes varet nga programet dhe qëllimet që kanë njerëzit, dikush kërkon të krijojë mas muskulare, dikush dëshiron që të humbasë peshë, por mos të harrojmë se mënyra m
[caption id="attachment_17611" align="alignleft" width="180"]
Koroni me kampionen Dorina Mema[/caption]
ë e mirë për të arritur çfarëdo qëllimi që dëshirojmë është sesi ushqehemi. Aty fillon programi stërvitor duke e ndërthurur me pjesën e aktivitetit fizik dhe kohës që ushtrojmë në palestër.
- Sa herë në javë duhet ta frekuentojmë palestrën?
Palestra mund të frekuentohet sipas mundësisë, por unë do të këshilloja që qëndrimi në palestër nuk duhet të jetë i gjatë pasi mund t'i dëmtojmë muskujt.
- Palestra është një sport që të ngurtëson, nuk je i zhdërvjellët, sidomos je kur stërvitesh për masë. Ç'mund të na thuash për këtë?
Palestra është i vetmi vend ku njerëzit mund të harrojnë dhe të largojnë streset e tyre dhe palestra duhet të bëhet në mënyrë që të ndihemi mirë dhe jo të stresohemi. Aty besoj se pë rsa i përket lëvizjeve të kufizuara ose siç mund ta quani ju ngurtësim, do të thosha që në palestër duhet të orientojnë që të dish çfarë duhet të bësh dhe mënyrat sesi mund të ndërtosh programin stërvitor ( streçing , pilates, aerobi ,kardio )
- Ndonjë regjim ushqimor dhe me sa vakte?
Ushqimet që duhet të përdorim më shume janë ushqimet proteinike. Çdo instruktor ka mënyrën e vet si dhe cfarë duhet t'i sygjerojë klientëve pasi duhet të kosultohen me 
ta para se të fillojnë aktivitetin fizik. Vaktet duhet të jenë të shpeshta dhe ushqimi duhet të jetë në porcione të vogla që të kemi mundsinë që të ushqejmë trupin tonë gjatë gjithë ditës dhe tretja e ushqimit do të jetë më e lehtë dhe do ndihemi më energjik gjatë aktivitetit fizik.
- Sa esenciale janë suplementet?
Suplementet janë shumë të domosdoshme dhe do të këshilloja të gjithë ata që ushtrojnë palestër, nëse do e fillonim alfabetin nga (A)atëherë dhe suplementet janë mëse të domosdoshme për programin stërvitor.
- Ndonjë këshillë për ushtruesit e palestrave?
Këshilla ime do ishte: konsultohuni me instruktorin për çfardo paqartësie para se të ushtroni palestër, bëjeni palestrën pjesën e jetës tuaj dhe keni për t'u ndier në formë dhe energjikë.
Lexo gjithashtu
