Fitorja ndaj Flamurtarit i përket së kaluarës dhe tani duhet të mendohet vetëm për derbin e së premtes. Partizani nisi dje përgatitjet për ndeshjen e shumëpritur. Në lidhje me kontigjentin e të kuqve, fatmirësisht Skënder Gega do të ketë në dispozicion të plotë të gjithë grupin.
Lorenc Trashi, Sodiq Atanda dhe Esat Mala kanë rifituar kondicionin e duhur fizik për të gati për supersfidën ndaj bardhebluve. Një lajm akoma më i mirë për ekipin është dhe rikthimi në stërvitje i sulmuesit shkodran Rubin Hebaj, i cili për shkak të problemeve fizike nuk u rrezikua të hidhej në sfidën e së premtes së kaluar.
Partizani shkon me moral të lartë pasi fitorja ndaj vlonjatëve ka forcuar ndjeshëm besimin brenda kampit të kuq. Ndaj Tiranës ata do të mbështeten dhe te historia pasi nuk janë mposhtur prej një kohe të gjatë nga 24-herë kampionët e Shqipërisë.
Lexo gjithashtu
