Partizani ka zyrtarizuar në rrjetet sociale largimin e Mateo Kocijan. Mbrojtësi që bënte dhe mesfushën nuk preferohet nga Orges Shehi, trajneri i ri i të kuqve. Për këtë palët kanë rënë dakord që të ndajnë rrugët.
Kujtojmë se Kocijan ishte i preferuar për ish-trajnerin Zoran Zekic. Kroati e afroi atë në merkaton e verës, ndërsa nuk pati hapësira pasi vetë Zekic u largua.
Postimi i Partizanit:
“Partizani njofton mbylljen e bashkëpunimit me Mateo Kocijan. Mbrojtësi 28 vjeçar dhe klubi kanë vendosur të ndërpresin me mirëkuptim kontratën mes palëve.
Partizani falënderon Mateo Kocijan për kontributin e dhënë gjatë kësaj periudhe me fanelën e kuqe”, shkruan klubi i Partizanit.
Kocijan u përfol gjithashtu për një dëmtim. Ky është largimi i katërt pas Bilalit, Grezdës dhe Da Silvas. Në anën tjetër klubi i Partizanit akoma nuk ka zyrtarizuar asnjë afrim.
Lexo gjithashtu
