Në stërvitjen e fundit të Partizanit të gjithë lojtarët ishin në dispozicion. Të besuarit e Colellës kanë vijuar përgatitjet për çerekfinalen e dytë me Vllazninë. Tekniku italian theksoi para pak ditësh se disa lojtarë ishin të lodhur.
Kjo do të thotë se ndeshjen e nesërme me shkodranët Colella mund të bëjë rotacion në formacion. Këtë ai e bëri edhe ndeshjen e parë çerekfinale në Shkodër ku Partizani u mund 3-1.
Por lodhja e lojtarëve mbetet problem dhe ai do detyrohet të bëjë disa ndërrime në 11-shen titullare. Përmbysja e rezultatit duket e vështirë por nuk shihet nga kampi i të kuqve si i pamundur.
I gjithë grupi është në dispozicion por Bruno Telushi ka shqetësuar pak stafin pasi ka shfaqur një dëmtim të lehtë muskulor. Kjo është diçka e zakonshme megjithatë vë në rrezik sfidën e nesërme. Ditën e sotme do të përcaktohet nëse ai do të jetë nesër me ekipin apo mund ta nis edhe ai nga stoli.
Lexo gjithashtu
