
Skënder Gega është një nga trajnerët më të njohur në Shqipëri. Në fakt do të mbahet mend gjatë në memorien e tifozëve të Partizanit, pasi bëri të mundur rikthimin e titullit kampion te të kuqtë pas 26 vitesh mungesë.
Por tashëm pas më shumë se 13 vitesh karrierë si trajner, Gega ka vendosur ta mbyllë këtë aventurë. Pavarësisht ofertave që ka marrë nga disa klube të Superiores, përsëri ka vendosur t’i thotë mjaft trajningut.
Këtë e ka konfirmuar vetë Gega në një intervistë për shtypin e shkruar, teksa thekson gjithashtu se do të jetë pjesë e futbollit, por këtë herë si investitor. Për këtë rol ka nisur edhe bisedimet dhe mbetet të shihet se tek kush klub do të mund të shikojnë trajnerin kampion me Partizanin.
59-vjeçari në karrierën e tij ka drejtuar Kombëtaren U-19 dhe U-21, Al-Jahra, Partizanin, Al-Faisaly, Kukësin dhe Skënderbeun.