Klasikja e Shqipërisë, Vllaznia – Tirana e vlefshme për javën e 12-të për Kategorinë Superiore është spostuar të luhet në stadiumin “Selman Stërmasi”. Shkak për këtë ndryshim në axhendë është bërë ndeshja e femrave të Vllaznisë në Champions League.
Duke qenë se takimi është programuar të zhvillohet në dhjetor në “Loro Boriçi”, UEFA ka urdhëruar mbjelljen e barit në këtë impiant. E në këto kushte, të dy klubet në dakordësi të plotë, kanë vendosur që kjo kryesfidë e futbollit shqiptar të zhvillohet në datën 5 nëntor në kryeqytet.
Gjithashtu duhet theksuar fakti se përballja do të regjistrohet për Tiranën si skuadër pritëse dhe në fazën tjetër, Vllaznia do të jetë organizatorja e takimit. Kujtojmë që skuadra bardheblu gjendet në vend të parë me 21 pikë, kurse shkodranët në të tretin me 3 pikë më pak.
Lexo gjithashtu
