Kombëtarja shqiptare e futbollit do jetë në vazon e tretë për shortin e Europianit 2024 që do zhvillohet në Gjermani. Humbja me Izraelin në Ligën e Kombeve ka bërë që kuqezinjtë të shuajnë ëndrrat për një kapërcim në vazon e dytë.
Tanimë ekipi ynë do ketë dy kundërshtarë më të fortë në bazë të llogaritjes së UEFA, teksa nuk ia ka dalë të bëjë kapërcimin e madh. Shqipëria ka në të njëjtën vazo emra si Irlanda, Rumania, Sllovenia, Suedia, Islanda apo edhe Mali i Zi, çka do të thotë se me asnjë nga këto ekipe nuk do përballet.
Shorti për këtë event do mbahet në datën 9 tetor në Frankfurt, duke nisur nga ora 12:00. Me Gjermaninë organizatore dhe Rusinë të përjashtuar, 53 shtatet e tjera do ndahen në 10 grupe, shtatë me pesë skuadra dhe tre me gjashtë të tilla.
42 skuadrat që janë konfirmuar në vazot respektive:
Vazo 1: Gjermania (mikpritëse) Kroacia, Holanda, Hungaria, Italia, Portugalia, Spanja, Belgjika, Danimarka, Polonia.
Vazo 2: Austri, Bosnje-Hercegovinë, Angli, Izrael, Francë, Uells, Republika Çeke ose Zvicër.
Vazo 3: Armenia, Irlanda, Rumania, Sllovenia, Suedia, Shqipëria, Islanda, Mali i Zi.
Vazo 4: Azerbajxhani, Ishujt Faroe, Gjeorgjia, Greqia, Kazakistani, Luksemburgu, Turqia, Bullgaria.
Vazo 5: Bjellorusi, Estoni, Gjibraltar, Letoni, Lituani, Maltë, Moldavi, Sllovaki.
Vazo 6: Andorra, Lihtenshtajni, San Marino.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
