Skënderbeu ka nisur me punën për konsolidimin e skuadrës për sezonin e ardhshëm që do të luajë në Superiore. Në Korçë kanë menduar fillimisht të “blindojnë” lojtarët kyç të skuadrës në mënyrë që të ruhet edhe boshti.
Në këto kushte Dean Liço është lojtari i parë që ka vendosur të bardhën mbi të zezë dhe ka pranuar të rinovojë kontratën me “Ujqërit e Dëborës”. Mesfushori do të vazhdojë të mbajë veshur fanelën e Skënderbeut edhe për 2 vite të tjera, ndërsa kujtojmë se ka qenë një këmbëngulje e Ivan Gvozdenovic për ta mbajtur në skuadër.
Ndërkohë përveç rinovimeve, jashtë planeve janë dy lojtarë të tjerë. Bëhet fjalë për Oltion Rapa dhe Ramin Alii. Me shumë gjasa lojtarët do të ndajnë rrugët me bardhekuqtë, pasi nuk kosiderohen të rëndësishëm për skuadrën.
Lexo gjithashtu
