Heroi i Egnatias në barazimin ndaj Partizanit ishte Sebastian Spahiu. Fantazisti i rrogozhinasve shkëlqeu me një supergol, por edhe një lojë fantastike gjatë gjithë kohës. Në përfundim të sfidës shkodrani foli për MCN TV ku u shpreh u kënaqur për golin, por jo për rezultatin.
“I kënaqur me golin dhe skuadrën në pjesën e dytë. Shpresoj të shënoj sërish. Isha i mërzitur në fund, por kështu e ka futbolli.
Shumë të larguar nga Egnatia, ti qëndrove? Kam luajtur 45 minuta me Laçin dhe nuk mund të luaj me 3 skuadra në një sezon, rregull i FIFA-s.
Është e thjeshtë kur stërvitesh me lojtarë që kanë kualitet. Egnatia bën diferencën? Po. Partizani luajti mirë, por në pjesën e dytë treguam kualitet në fushë.
Ambicie personale? Duam kampionatin dhe Kupën, për të ardhmen time nuk mendoj shumë. Stërvitem ndeshje pas ndeshje për të dhënë maksimumin tim dhe jam i kënaqur nëse unë jap 100% tim”, tha Spahiu.
Lexo gjithashtu
