Vllaznia u mund dje në transfertë me rezultatin 1-0, ndeshje e vlefshme për turin e dytë të Conference League. Goli i sulmuesit Schepovic në minutat shtesë vendosi fatet e takimit. Edhe pse u mposhtën, në kampin shkodran janë shfaqur optimistë për sfidën e ardhshme. Veç kësaj, Vllaznia ka pasur shumë probleme para ndeshjes.
Mësohet se një pjesë e mirë lojtarëve dhe pjesëtarë të stafit teknik kanë kaluar një gjendje të rënduar shëndetësore para fillimit të ndeshjes. Nuk dihet nëse ka qenë një helmim nga ushqimi apo thjesht virozë që mund t'u ketë krijuar probleme. Kësisoj, Ardit Hoxhaj s'ka udhëtuar fare drejt stadiumit, por ka qëndruar në hotel për shkak të problemeve shëndetësore.
Gjithashtu Jonuzi ka pasur probleme dhe është detyruar të marrë serum për t'u rikuperuar si dhe Latifi ka përfunduar në spitalin e Limasolit paraditen e djeshme i shoqëruar nga mjeku i skuadrës. Kjo s'është bërë ende publike nga drejtuesit e klubit të Vllaznisë, por gjithçka do të mësohet zyrtarisht në orët në vijim.
Lexo gjithashtu
