Me shumë mundësi Florent Hasani do ta humbasë derbin e të dielës përballë Partizanit. Në kampin bardheblu ka panik sepse dëmtimi në gju i Hasanit në ndeshjen e fundit përballë Erzenit ka qenë më serioz sa pritej.
Gjasat janë shumë të mëdha që sulmuesi 26-vjeçar t’i mungojë Tiranës në derbin e së dielës që do të luhet në stadiumin “Air Albania”. Pritet që lojtari dhe stafi të bëjnë të pamundrën, por duket shumë e vështirë që bomberi bardheblu të rikuperohet deri ditën e derbit.
Në krahun tjetër Kaina duket se është gati, pas mungesës në ndeshjen e fundit përballë Erzenit. Dëmtimin e ka kaluar plotësisht dhe braziliani është i gatshëm për derbi.
Për Julian Ahmatajn lajm i mirë është edhe rikthimi i Ardit Hilës së bashku me Qefalian. Hila është rikthyer pas masës disiplonore, ndërsa Qefalia ka kaluar problemet fizike.
Lexo gjithashtu
