Futbolli shqiptar, gjithnjë e më shumë po prodhon talente. Jo vetëm Superliga, por edhe ligat e tjera po nxjerrin futbollistë shumë të talentuar.
Një ndër ta është dhe Gresild Lika. Futbollisti 20 vjeçar, është i huazuar te ekipi i Dinamos, ndërsa kartoni i tij zotërohet nga Partizani. Ai ka luajtur në të gjitha ndeshjet e Dinamos në këtë sezon, duke bërë një paraqitje mjaft të mirë.
Në një intervistë për Newsport.al, Lika flet për gjendjen aktuale të Dinamos, rivalët e Kategorisë së Parë, si dhe komenton gjendjen e Partizanit.
- Gresild, si po shkon aventura juaj te Dinamo?
Aventura te Dinamo po shkon shumë mirë, kam luajtur në të gjitha ndeshjet dhe kjo më bën optimist për të ardhmen. Dua të falenderoj trajnerin tim dhe stafin e Dinamos që më ka dhënë besimin duke më aktivizuar në te gjitha takimet e luajtura.
- Cilat jane objektivat e ekipit për këtë sezon?
Objektiv i ekipit momentalisht është arritja e 5-shes së parë, ndërsa më vonë mund të shpresojmë për më lart.
- Po gjendjen e ekipit që zotëron kartonin tuaj, Partizanit si e shihni?
Partizani për momentin nuk është ai që të gjithë prisnim, por besoj se ish-ekipi im do e kalojë këtë ngërç dhe shumë shpejtë do shohim atë Partizan që të gjithë presim.
- Keni patur oferta në këtë merkato janari?
Oferta kam pasur mjaftueshëm, por synimi im është vetëm të kthehem sërish te Partizani, pasi unë jam një lojtar i huazuar te Dinamo.
-Nëse do iu vinte një ofertë nga Superioria, do e linit Dinamon?
Është shumë e vështirë për t'i thënë "jo" një ekipi Superlige, por këtë vit jam në kontratë me Dinamon dhe nuk mund të lëvizë.
- Perveç Kastriotit kë shihni si rival kryesore për tu ngjitur në Superiore?
Për mendimin tim, Egnatia është i vetmi rival i fortë për t'u ngjitur në Superligë. Besoj se do rivalizoi deri në fund me Kastriotin.
-Ndonjë gjë të fundit për te shtuar keni?
Shpresoj që Dinamo të rikthehet sa më shpejtë aty ku i takon, sepse do jetë një vlerë e shtuar e Superligës shqiptare./ Klevin Muka/ Newsport.al
Lexo gjithashtu
