Momentet e ankthit në EURO 2020 duket se nuk kanë fund. Pas rastit të Eriksen që pësoi arrest kardiak me Danimarkën në fushë, dje në sfidën Francë-Gjermani është rregjistruar një tjetër rast i frikshëm që shkaktoi jo pak panik.
Mbrojtësi francez, Pavard mori një goditje të fortë në kokë nga Gosens dhe përfundoi në tokë, por për fat të mirë nuk kishte lëndime serioze. Gjatë atyre momenteve, Pavard zbuloi në intervistën pas ndeshjes se ishte pa ndenja për rreth 10-15 sekonda, por më pas e mori veten duke vazhduar lojën.
"Ishte një shok i madh, humba ndjenjat për 10 apo 15 sekonda, por më pas u ndjeva menjëherë më mirë".
Ndeshja? ""Mundëm një Gjermani shumë të mirë, që pati zotërimin e topit. Bëmë me të vërtetë një ndeshje të madhe, si në mbrojtje ashtu dhe në sulm, ndihmuam mirë njëri-tjetrin në momentet më të komplikuara. Fizikisht ishim mirë dhe mendoj se do të përmirësohemi me vazhdimin e turneut. Na bën të shpresojmë për të ardhmen, menaxhuam mirë sulmet e tyre dhe nuk i lejuam të godisnin shumë portën. Mbrojtëm si grup, ishte një ndeshje më se pozitive".
Lexo gjithashtu
