Tirana arriti të fitonte dje kundër Kukësit me rezultatin 2-1, sfidë e vlefshme për javën e 28-të të Superiores. Megjithatë penalltia e akorduar në minutat e fundit të ndeshjes nxiti polemika nga kampi kuksian. Trajneri Rraman Hallaçi nuk e pranoi verdiktin si të drejtë duke u shprehur se gjyqtarët kanë gabuar pasi lojtari i tij e prek topin me sup.
Ky rast ishte objekt moviole në studion e emisionit “Procesi Sportiv”, ku Lorenc Jemini shpjegoi atë që kishte ndodhur në stadiumin “Elbasan Arena”. Ish gjyqtari i njohur theksoi se rasti ishte në kushtet e penalltisë flagrante pasi futbollisti kap topin me dorë dhe më tej në kokë.
“Unë e kam parë 50 herë këtë rast. Është penallti sade. Lojtari i Kukësit, Barbosa kap fillimisht topin me dorë dhe më pas me kokë. Unë kam dhe pamje tjetër që nuk është transmetuar. Është 100 përqind penallti”, u shpreh ai duke nxitur të pranishmit në studio për faktin se pse pamjet e tjera nuk jepeshin për publikun.
Lexo gjithashtu
