Sindrit Guri vijon të shkëlqejë me Shkëndijën e Tetovës. Sulmuesi shkodran ishte protagonist në fitoren e djeshme 2-1 të kuqezinjve. Shtatlarti ka qenë shpesh herë objektiv i klubeve të kampionatit shqiptar, por pa arritur ta marrin. Në këtë merkato vere, ai ishte në "radarin" e Partizanit.
Madje neësport.al pati bërë me dije se drejtori sportiv Elton Marini e pati takuar. Edhe pse dëshira e drejtuesve të kuq ishte e madhe për ta pasur në organikë, në fund ai zgjodhi sërish Shkëndijën e Tetovës. Ende nuk ka një njoftim zyrtar për rinovimin e tij, ku nuk përjashtohet mundësia që të largohet menjëherë pas Kupave të Europës.
Me golin e realizuar ditën e djeshme, kundër letonezëve së Valmerias, padyshim që në elitën tonë shpresojnë sërish për shkodranin. Veç Partizanit, edhe Vllaznia pati shprehur interes. Megjithatë vetëm ditët e ardhshme do të zbulojnë se çdo të ndodhë me të.
Lexo gjithashtu
