Ka përfunduar në barazim 0-0 ndeshja mes Vllaznisë dhe Teutës në "Loro Boriçi".
Një takim që i ka pasur të gjitha përveç golave. Në fillim ishte Elis Bakaj që humbi penallti në minutën e 10-të për shkodranët.
Më pas, një tjetër moment ishte edhe kartoni i kuq i marrë nga Gerhard Progni pas dy kartonëve të verdhë që gjyqtari Olsi Sokoli akordoi për sulmuesin e Teutës. Durrsakët luajtën që nga minuta e 56-të me një lojtar më pak.
Por, momenti më i diskutuar i ndeshjes ishte ai i minutës së 82-të. Vllaznia shënoi me Hebajn në minutën e 82-të. Por, lojtarët e Teutës protestuan për një prekje të topit me dorë nga Hajdari i Vllaznisë, para se topi të shkonte te Hebaj. Pavarësisht protestave, gjyqtari Olsi Sokoli ka akorduar gol. Por, pak minuta më pas, gjyqtari kryesor i jep të drejtë Teutës dhe anulon golin. Protestat më pas vijnë nga lojtarët e Vllaznisë.
Me karton të kuq pas protestave u dënua zv.trajneri i Teutës, Dervishi që u detyrua të linte stolin.
Në minutën e 88-të, Hebaj goditi traversën për Vllazninë, ndërsa në fund, gjithçka u mbyll në barazim 0-0.
Lexo gjithashtu
