Giovanni Colella u bë trajneri i rradhës që vuajti “sindromën” e shkarkimit pas fitimit të titullit. Italiani drejtori Partizanin drejt titullit kampion dhe më pas u shkarkua nga drejtuesit bashkë me drejtorin Elton Marini. Dyshja kaluan vetëm një vit të plotë tek të kuqtë dhe tani kanë ndarë rrugët me njëri-tjetrin.
Megjithatë, ata mund të mbeten sërish në Superiore. Erzeni është skuadra e elitës që ka në tryezë emrat e tyre, sipas shtypit të shkruar. Shijakasit kanë mbetur pa trajner që pas largimit të Kapllanit dhe ende s’kanë gjetur zëvëndësuesin.
Veç italianit, drejtuesit po studiuojnë edhe emrat e Armando Cungut, Gentian Mezani apo Gentian Stojkut ndërsa nuk përjashtohet as mundësia për të vazhduar me Deliallisin. Ditët e ardhshme pritet të jenë decisive me drejtuesit që do të bëjnë një mbledhje për të marrë vendimin final.
Lexo gjithashtu
