Që në fillimin e rrugëtimit të saj në eliminatoret e "Rusi 2018", në stadiumet ku luan Kosova është shfaqur gjithmonë një parullë që lejohet mes tifozëve nga Federata Kosovare e Futbollit. Ajo ka kuptimin “Kosova, zemra e FIFA-s” dhe tifozët kosovarë janë të mësuar me të ndërsa e cilësojnë si një falënderim për ndihmën që i dha kjo organizatë për njohjen ndërkombëtare.
Por një gjë e tillë duket shumë e çuditshme, ose më saktësisht unike, për gazetarin dhe shkrimtarin e njohur sportiv britanik, James Montague. Ai ka shoqëruar Kosovën në rrugëtimin e saj në "Rusi 2018", duke raportuar për këtë përfaqësuese në mediat më të mëdha botërore.
Para ndeshjes së mbrëmshme në “Loro Boriçi”, ai ka bërë një postim në Twitter rreth kësaj parulle. “Kosovë-Turqi fillon pas pak minutash në Shkodër, Shqipëri.
Stadiumi ‘Loro Boriçi’ është ndoshta i vetmi në botë të ketë parulla pro FIFA-s’, shkruante Monteg i cili ka shëtitur vende të ndryshme në botë dhe ka shkruar libra rreth kombëtareve të vogla.
Lexo gjithashtu
