Taulant Stërmasi, trajneri i Luiza Gegës në një prononcim për newsport.al ka folur rreth dëmtimit të atletes së tij ditën e djeshme. Stërmasi është shprehur optimist, teksa thekson që dëmtimi i djeshëm është shumë i lehtë dhe sipërfaqësor dhe Gega do të jetë e gatshme për Lojërat Olimpike.
" Është e vërtetë që dje Luiza pati një dëmtim të lehtë. Ajo teksa po vraponte u rrëzua dhe ra me të dy gjunjët. Nuk kishte dëmtime të brendshme, vetëm sipërfaqësore. Në këtë moment ne jemi në stërvitje. Atletja është në formë të mirë. Ia kam ulur pak ngarkesën për ditën e sotme, por aq. Ju garantoj që nuk ka asnjë problem për t'u shqetësuar. Luiza është gati për në Lojërat Olimpike në Brazil", përfundoi trajneri i atletes Taulant Stërmasi.
Nënkampionja e Europës, tashmë po bëhet gati për një sfidë të madhe pasi do të marrë pjesë në Lojërat Olimpike. Luiza Gega do të tentojë të kthehet nga Brazili ashtu siç u kthye nga Amsterdami, me një medalje.
Lexo gjithashtu
