Partizani i sezonit të ri nuk ka kuptim pa pak Samba.
Pasi zyrtarizoi William Corderoi nga Kukësi, kampionët në fuqi të vendit kërkojnë që të shtojnë "koloninë" braziliane nën urdhërat e Franco Lerdas dhe kishin pikasur bomberin e kampionatit maltez, Taylor.
Por, siç ndodh rëndom me skuadrat shqiptare, gara për një futbollist fitohet gjithmonë nga ekipe më me emër dhe e tillë ishte edhe për 24 vjeçarin.
Ai firmosi për 2 sezone me Botev në Bullgari, duke u largur nga Hiberniansi me parametra zero. As 19 golat e shënuar në edicionin e fundit nuk e bindën Partizanin për të bërë çmos për firmën me Taylor, i cili do të vinte te të kuqtë falas.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
