Sot, janë mbyllur punimet në Asamblenë e 18-të të Përgjithshme të Federatës Ballkanike të Volejbollit (BVA), ku ka qenë pjesë përfaqësues nga Federata Shqiptare e Volejbollit, me në krye presidentin e kësaj Federate, Erlind Përllumbin.
Në këtë takim është folur për suksesin e projekteve të realizuara për vitin që lamë pas dhe projektet e reja që do të vihen në punë për vitin 2017.
"Në këtë takim u diskutuan shumë tema, por mbi të gjitha aktivitetet e zhvilluara përgjatë vitit 2016 si dhe ato që do të vijojnë në 2017-ën. Një vlerësim i veçantë ju bë angazhimit të Federatës Shqiptare të Volejbollit gjatë vitit 2016, e cila u vlerësua edhe me zgjedhjen unanime të Presidentit të FSHV Z. Erlind Pëllumbi, në pozicionin e Presidentit të BVA. Kjo zgjedhje vjen pas një periudhe të gjatë mungese të Shqipërisë në këto nivele, ku vlerësohet puna e saj jo vetëm me BVA, por edhe me CEV e FIVB. Ky vlerësim e bën Federatën Shqiptare të Volejbollit të jetë edhe më e angazhuar për të përmbushur sa më mirë detyrimet e saj duke kontribuar në rritjen e volejbollit në të gjitha nivelet nëpërmjet projekteve të ndryshme".
[gallery columns="1" size="full" ids="75469"]
[gallery columns="1" size="full" ids="75463,75464,75465,75466"]
Lexo gjithashtu
