Tashmë dihet, Xhuliano Skuka është sulmuesi më i kërkuar në kampionatin shqiptarë gjatë kësaj periudhe. Dibranin e duan 3 ekipe në Itali, të cilat janë Lecce, Verona dhe Empoli i shqiptarëve. Edhe pse drejtuesit nuk dëshirojnë të largojnë Skukën, pasi kërkojnë që 24-vjeçari të udhëheqë demat me golat e tij drejt titullit kampion, përsëri duke e vështirë ta mbajnë sulmuesin.
Në këto kushte nga frika e një largimi të mundshëm, drejtuesit kanë nisur punën për gjetjen e një zëvendësuesi, prandaj kanë menduar të “peshkojnë” në Holandë. Është një sulmues shqiptarë që ka tërhequr vëmendjen e të kuqve dhe bëhet fjalë pikërisht për Fabian Shahaj, i cili aktualisht mban veshur fanelën e ADO Den Haag U-21.
[caption id="attachment_674829" align="alignnone" width="300"]
Fabian Shahaj duke luajtur per ADO Den Haag U-21[/caption]
20-vjeçari shihet me mjaft perspektivë nga drejtuesit e Partizanit, të cilët janë të bindur se me fanelën e kuqe do të mund të tregojë gjithë potencialin e tij si një sulmues qendre. Sipas shtypit të shkruar, Shahaj prite të zbarkojë së shpejti në Tirana ku do të nënshkruajë një kontratë huazimi me kryesuesit e kampionatit shqiptar.
Kujtojme se Shahaj ka mbajtur veshur edhe fanellën e kombetares shqiptare të U-19 duke qenë kështu një pikë kyç në formacionin e kësaj grupmoshe.
Lexo gjithashtu
