Te Flamurtari punët nuk kanë shkuar ashtu siç duhet. Ndryshime nga dita në ditë, ku pas valës së afrimeve, ka ardhur ajo e largimeve. Përpos lojtarëve të mbrojtjes dhe mesfushës, trajneri Gugash Magani dhe përgatitësi i portierëve, Luan Birçja kanë shkëputur marrëdhëniet me lushnjarin Ibrahim Bejte.
I afrua nga radhët e Besëlidhjes, Bejte nuk ka mundur të bindë stafin teknik. Nga sa mësohet nga burime konfidenciale për "Newsport.al" pranë skuadrës, lushnjari është larguar tashmë. Vendin e tij pritet që ta marrë një portier me emër në Superiore.
Klubi kuqezi ka nisur të kontaktojë ish-portierin e kombëtares, Stivi Frashërin, i cili në gjashtë muajt e fundit u aktivizua në Ballsh me Bylisin. “Gardiani” korçar pritet që shumë shpejtë të marrë “çelësat” e portës së Flamurtarit. Pritet që të ketë një takim zyrtar dhe më pas portieri të shkojë në Slloveni te kuqezinjtë.
Lexo gjithashtu
