Siç u raportua paraditen e ditës së sotme Rraman Hallaçi nuk do të jetë më trajner i Kukësit në javët në vazhdim. Trajneri kuksian është shkarkuar nga detyra e tij pas dy humbjeve në dy javët e para të kampionatit. Verilindorët u mposhtën 3-1 nga Vllaznia dhe 4-0 nga Egnatia.
Pas këtij shkarkimi ka reaguar edhe vetë Hallaçi me një postim falenderimi në rrjetet sociale.
“Falenderoj tifozat kuksianë për mbështetjen që kanë treguar ndër vite ndaj meje, ‘Armatën e Veriut’ si tifozeri speciale!
Falenderoj dhe një herë tjetër me respekt të veçantë lojtarët e sezonit të kaluar me të cilët arritëm të realizojmë atë që kishim premutar, qëndrimin në Kategorinë Superiore.
I uroj suksese në vazhdimësi gjithë ekipit, lojtarëve, stafit teknik dhe atij sportiv!”, shkruan ish-trajneri i Kukësit, Rraman Hallaçi.
Lexo gjithashtu
