Odise Roshi ishte një nga mungesa e mëdha në ekipin e parë të Sylvinhos për ndeshjen me Poloninë. Anësori i Kombëtares nuk u preferua megjithëse skema e re i shkon shumë për shtat cilësive të tij, megjithatë, ai mbetet në listën me 70 lojtarë që mbikëqyren nga stafiu i Kombëtares.
Javën e fundit, Roshi pësoi një dëmtim në stërvitje me skuadrën e Sakaryaspor në Turqi por ka vendosur që terapinë ta bëjë në Tiranë. Ditën e sotme rraketa e Kombëtares është stërvitur me dy nga pjestarët e stafit të Tiranës, përgatitësin atletik, Kostandinos Jani dhe fizioterapistin Arzen Voci.
Tirana do t’i nënshtrohet një revolucioni në merkaton e verës dhe mbetet të shihet cilët do të jenë afrimet e bardhebluve që do të varen edhe nga përfundimi i këtij sezoni. Mbetet për t’u mësuar nëse Jani dhe Voci do të bëjnë edhe detyrën e “negociatorit” me Roshin apo thjeshtë punën e tyre.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
