Dita e sotme ishte shumë e veçantë për Kristjan Asllanin, i cili u rikthye të luante në stadiumin ku dhuronte magji por kësaj rradhe si kundërshtar teksa Interi mposhti 3-0 ish-skuadrën e tij Empolin në “Carlo Castellani”. Mesfushori shqiptar mori disa minuta në fund të takimit duke marrë edhe duartrokitjet e publikut vendas që sezonin e shkuar shijuan nga afër shpërthimin e talentit me fanellën e Empolit. Pas ndeshjes, Asllani shfrytëzoi rrjetet sociale ku postoi një foto të ndehsjes me mbishkrimin: “Gjithmonë kënaqësi të rikthehem në këtë stadium ku u rrita dhe të shikoj fansat përsëri.” Asllani u shit te Interi për shifrën e 14 milionë eurove në merkaton e verës por deri tani nuk ka gjetur minutat e duhura për të zhvilluar talentin e tij.

 

View this post on Instagram

 

A post shared by Kristjan Asllani (@kristjanasllani)