Kristjan Asllani debutoi te Besiktas në mënyrën më të keqe të mundshme. Mesfushori i Kombëtares shqiptare zbriti në fushë në minutën e 76-të dhe u ndëshkua me karton të kuq pas vetëm 5 minutash lojë në fioren 2-1 ndaj Konyaspor.
Lideri kuqezi bëri një ndërhyrje të rrezikshme ndaj një prej futbollistëve kundërshtarë dhe arbitri i nxori direkt të kuqin. Por pavarësisht se është i ndëshkuar me karton të kuq, Asllani do të jetë i gatshëm për trajnerin e skuadrës në sfidën e radhës në kampionat.
Kjo pasi rregullorja e futbollit turk thotë se nëse ndëshkohesh me karton të kuq direkt, dënimin mund ta shlyesh në ndeshjen e ardhshme në çdo kompeticion ku skuadra merr pjesë. Kështu Asllani do të mungojë në sfidën që Besiktas do të luajë në Kupë ndaj Kocaelispor.
Në këtë mënyrë, Asllani shlyen dënimin dhe do të mund të luajë në sfidën e kampionati në fundjavë ndaj Alanyaspor.
Lexo gjithashtu
