Supersfida e javës së 19-të në Superligën greke mes AEK dhe Olympiacos u mbyll në barazimin 1 – 1. Verdhezinjtë e Athinës kaluan të parët në avantazh me Varga në minutën e 59-të, por në 106’ të shtesës, Taremi barazoi nga pika e bardhë e penalltisë.
Lojtari më i mirë i ndeshjes ishte padyshim portieri i Kombëtares Thomas Strakosha. Nga 6 goditje në kuadrat prej “rekordmenëve” të Greqisë, Strakosha u “dorëzua” vetëm në fund te penalltia.
Në minutën e 94’, Olymipacos i shkoj shumë pranë golit, por Strakosha i tha “jo”, pas një pritje rrufe, duke bërë që lojtarët rival të vendosnin duart në kokë. Pritja më spektakolare e shqiptarit ishte në minutën e 19-të, teksa i ndryshoi udhë topin në limite.
Në këtë ndeshje, Strakosha mori notën më të lartë sipas “SofaScore”, 8.6, sikurse i përzgjedhur në formacionin e javës. Aktualisht, AEK mban vendin e parë në Superligën greke me 45 pikë, 1 më shumë se PAOK, ama këta të fundit kanë një ndeshje më pak.
Lexo gjithashtu
