Tirana ia doli ditën e djeshme të merrte fitoren ndaj Egantias, teksa triumfuan me shifrat 2-1. Në minutat e fundit të takimit nga një duel me kundërshtarin mbeti i dëmtuar Visaj Bekaj, i cili u detyrua të linte fushën e lojës.
Me zëvendësimet që ishin ezauruar të gjitha, si zgjidhje u pa të vendosej Florian Përgjoni. Përveç se veshi “dorezat” e portierit arriti të bënte një pritje fantastike në sekondat e fundit, duke i dhuruar kështu edhe fitoren të tijve.
Në një postim të skuadrës së Tiranës në rrjetet sociale, portieri Bekaj ka “thumbuar” Përgjonin për vendi që i zuri, sigurisht në kontekstin e shakasë.
“Ika unë s’duhem më”, ka shkruar gardiani i portës duke përmendur Përgjonin, me këtë të fundit që ia ka kthyer “më ke stërvitur mirë ti”.
Kaq ka mjaftuar që më pas “topi” të kalonte te tifozët të cilët kanë përgëzuar lojtarët e tyre për paraqitjen e bërë.
[caption id="attachment_679160" align="alignnone" width="218"]
Postimi i Tiranes dhe komenti i Bekajt per Pergjonin[/caption]
Lexo gjithashtu
