Abissnet Superiore i drejtohet fundit të kampionëti, teksa kanë mbetur edhe dy ndeshje larg verdiktit final. Ditën e djeshme u mbyll java e 35-të e kampionatit. Tirana dhe Partizani vazhdojnë të luftojnë në distancë për titullin kampion. Kjo javë ishte fantastike për Egnatian që siguroi për herë të parë pjesmarrjen në kompeticionet europiane, ndërsa Teuta nga krahu tjetër siguroi mbijetesën dhe hedh “sytë” nga Europa.
Lojtarë që shkëlqyen dhe spikatën duke qenë ndër më të mirët në skuadrat e tyre. Neësport.al ka përzgjedhur formacionin e javës nga porta e deri në majën e sulmit.
FORMACIONI I JAVËS:
Bekim REXHEPI (Partiani) – Gardiani i të kuqve është portieri i javës. 26-vjeçari ishte protagonist në fitoren 2-1 të Partizanit ndaj Vllaznisë. Rexhepi bëri dy pritje fantastike ndaj shkodranëve duke mbajtur kështu të palëkundur epërsinë e demmave. Në futboll shpesh pritjet e portierit kanë vlerën e një goli dhe të tilla ishin ato të 26-vjeçarit ndaj kuqebluve.
Redon DRAGOSHI (Kukësi) – Krahun e djathtë të mbrojtjes e merr Dragoshi. Lojtari i Kukësit zhvilloi një ndeshje shumë pozitive ndaj Bylisit në barazimin 1-1 në Ballsh. 23-vjeçari “privatizoi” krahun e tij dhe arriti të ishte një nga iniciatorët e daljes së verilindorëve në sulm. Porositë e Hallaçit u përmbushën në përpikmëri dhe sa herë që Dragoshi kishte topin në këmbë i jepte “frymarrje” skuadrës.
Filip NAJDOVSKI (Tirana) – Tirana e bëri më të lehtë fitoren në Laç dhe kjo edhe falë Filip Najdovskit. Mbrojtësi ishte një siguri në prapravijën e bardhebluve, teksa fitoi çdo duel ndaj sulmuesve kundërshtarë. Kapiteni “blindojë” mbrojtjen duke i dhënë siguri Orges Shehit. Gjithçka ishte në profeksion. Bëri që kunërshtari të ishte i padukshëm në fushë. 3-1 dhe për meritën e tij.
Eljon SOTA (Partizani) – Shënoi golin e fitores. Një gol që i dhuroi 3 pikë të kuqve në garën për titull. Mbrojtësi i krahut të majtë ishte fantastik si në detyrat mbrojtëse ashtu edhe në nxjerrjen e skuadrës para. Edhe pse u zëvendësua në minutën e 65-të përsëri krahu i majtë i formacionit të kësaj jave mbetet i tij. Goli ndaj Vllaznisë ka vlerën e 3 pikëshit, ishtte dhe i pari për këtë sezon.
Emiliano MUSTA (Egnatia) – Një nga liderit e padiskutueshëm të Egnatias europiane. Shënoi një gol me kokë që do të sillte qetësinë e rrogozhinasve në sfidën ndaj Erzenit. Driblime dhe aksione model të nisur nga këmbët e tij. Jo më kot pas ndeshjes thekoi se është njjë nga lojtarët që ka besuar gjithmonë në suksesin e skuadrës dhe në ndeshje të rëndësishme del në pah qetësia prej një lojtari të madh.
Gjelbrim TAIPI (Kukësi) – Kapiteni ka marrë mbi supe gjithë përgjegjësinë e shpëtimit të Kukësit. Në fakt po e bën më së miri. Taipi zhvilloi në Ballsh një ndeshje afër perfeksionit që kulmoi edhe me gol në fund në barazimin “dramatik” 1-1 me Bylisin. E gjitha falë këmbënguljes së tij. Taipi ishte një nga “punëtorët” e palodhur në mesfushë duke u shfaqur herë pas here rrezikshëm te zona kudërshtare. 1 pikë në Ballsh është meritë e padiskutueshme e Taipit dhe jo më kot mori edhe komplimentat e Naxhi Shensoit pas ndeshjes.
Anarildo RRAPAJ ( Partizani) – Vlonjati shënoi një gol spetakolar në portën e Zogovic. Në minutën e 27-të zhbllokoi sfidën dhe ngriti “peshë” gjithë të pranishmit në “Arenën e Demave”. Pas Sotës dhe Rexhepit ishte lojtari i radhës që shkëlqeu në fitoren “jetike” që të kuqvtë e Colellës morën ndaj kuqebluve. Kur Rrapaj ndizej, u ndizte edhe Partizanit. Ish-lojtari i ardhur nga Skënderbeu nuhatë siç duhet çdo aksion që mund të ishte gol, bashkë më Da Silvën “frikësuan” mbrojtjen shkodrane.
Ardit HILA (Tirana) – Mungoi në derbi dhe duket se “mllefin” e nxori pikërisht te kundërshtari që kishte përballë, Laçi. Mesfushori arriti të shënonte dopietën e parë në këtë kampionat, ndërsa shpërthimet pas golit ishin legjitime. Përveç se shënoi dopietë kishte në dorë edhe “çelësat” e mesfushës . Pa frikë mund ta kosiderojmë si “heroin” e heshtur të Tiranës, pasi në 4 golat që ka shënuar këtë sezon kanë pasur vlerën e 3 pikëve.
Ledio BEQJA(Teuta) – Shënoi golin e fitores në sfidën më delikate të kësaj jave. Një gol që përveç se i siguroi durrsakëve 3 pikët, u siguroi gjithashtu edhe mbijetesën. Ndaj Kastriotit është thjeshtë fantastik. Luan përpara mbrojtjes dhe jep maksimumin në fushën e lojës. Kundër Kastriotit ishte thjeshtë i palodhur, teksa fitoi një sërë duelesh ndaj lojtarëve kundërhstarë.
Florent HASANI (Tirana) – Njëjtë si Hila edhe Hasani. Munguan në derbi dhe “shpërthyen” ndaj Laçit. Të dy protagonistë absolut në fitoren e kryeqytetasve, ku i afrojnë bardhebluë gjithëmonë e më afër titullit. Zhbllokoi sfidën dhe solli qetësi te Tirana. Shënoi golin e 16-të këtë sezon dhe trofeu i “Këpucës së Artë” duket se është nisur drejt tij. Ka 4 gola më shumë se rivali më i afërt, Nonato.
Raphael DWAMENA ( Egnatia) – për 4 minuta shënoi 2 dola. Padiskutim është zbulimi i sezonit në Rrogozhinë. Edlir Tetova është me fat që stërvit një sulmues të tillë. Të dy golat u shënuan nga këmbëngulja e tij. Nga janari e deri tani ka arritur të shënojë 11 gola. Fantastik dhe arritja në Europë e Egnatias është edhe e tija.
Trajner: Edlir TETOVA ( Egnatia) – Tetova është “arkitekti” i Egnatias “europiane”. Fitorja 3-2 ndaj Erzenit i siguroi matematikisht edhe pjesmarrjen në Kupat e Europës për herë të parë në historinë e klubit. Në Rrogozhinë historia ka nisur të shkruhet dhe tetova ka shkruar emrin e tij me germa të “arta”. Pas ndeshjesh ishte në “qiellin e shtatë” dhe ka gjithë të drejtën e Botës. Është edhe një arritje e tij personale. E ndërtoi në fillim të sezonit këtë skuadër, u shkëput për disa javë dhe u rikthyer sërish për të përfunduar atë që kishte nisur.
[caption id="attachment_693642" align="alignnone" width="457"]
Formacioni me 11-te lojtaret me te mire te jave se 34-te[/caption]
Lexo gjithashtu
