Hapësire reklamuese

Çështjet kryesore

ARKIVA

FORMACIONI I JAVËS/ Më të mirët e javës së 13-të të Superiores, lojtarët dhe trajneri fitues

Shkruar nga NEWSPORT

Janë luajtur 5 ndeshjet e javës së 13-të të “Abissnet Superiore”. 5 takimet e zhvilluara kanë dhuruar spektakël e gola dhe kanë rikthyer emocionet e kampionatit shqiptar pas dy javësh ndërprerje. Në këto sfida janë shënuar 12 gola, teksa disa lojtarë kanë spikatur me paraqitjet e tyre.

Newsport.al ka zgjedhur edhe formacionin më të mirë të javës së parë të kampionatit, ku kemi përzgjedhur 11-shen që bëri diferencën si dhe trajnerin e javës.

-FORMACIONI I JAVËS-

Pano Qirko: Partizani rinisi ndeshjen përballë Egnatias nga minuta e 25’ aty ku e la më 11 nëntor. Në ndeshjen e 11 nëntorit, në portë ishte Alban Hoxha, por me operimin e këtij të fundit, Abilaliaj u detyrua ta riniste sfidën me Pano Qirkon. Qirko zhvilloi një ndeshje mjaft të mirë, duke mos e lejuar në disa momente sulmuesit rrogozhinas që të tundin rrjetën e “Demave”.

Albion Marku: Në ndeshjen që Dinamo luajti përballë Erzenit dhe që fitoi 1-0, Albion Marku ishte një nga lojtarët më të mirë në fushë. Në krahun që ai mbronte, lojtarët e Erzenit e kishin shumë të vështirë depërtimin.

Rustem Hoxha: Kapiteni i Dinamos zhvilloi një ndeshje fantastike si në aspektin mbrojtës, por edhe atë ofensiv. Ishte pikërisht Hoxha ai që zhënoi golin e fitores dhe të vetmin në sifdën që dinamovitët luajtën përballë Erzenit.

Ajdi Dajko: Mbrojtësi i Laçit ka qenë një nga lojtarët më të mirë në fushën e loëjs për kurbinasit, në ndeshjen që këta të fundit luajtën përballë Vllaznisë në “Loro Boriçi”. Dajko i kreu mjaft mirë detyrat e tij mbrojtëse, duke mos lënë hapësira që shkodranët të rrezikojnë në mënyrë serioze portën e Dajsinanit.

Florjan Përgjoni: Mbrojtësi i majtë i Tiranës zhvilloi një ndeshje të mirë në fazën mbrojtëse, por u tregua vendimtar për bardheblutë. Në fitoren që Tirana mori me përmbysje 3-2 përballë Kukësit në stadiumin “Air Albania”, Përgjoni shënoi golin e dytë për kryeqytetasit.

Salami: Mesfushori nigerian i Kukësit është një nga lojtarët më të rëndësishëm për verilindorët. Diçka të tillë e faktoi edhe në sfidën që ekipi i tij luajti përballë Tiranës. Kukësi u mposht, por Salami pati një paraqitje mjaft të mirë madje duke dhuruar 2 asistime teksa njërin e dha në mënyrë spektakolare, ku mori 'zvarrë' të gjithë lojtarët e Tiranës.

Ardit Deliu: 26-vjeçari ishte një nga arsyet që Tirana ia doli të triumfonte në sfidën përballë Kukësit. Deliu hapi serinë e golave, duke kaluar bardheblutë në avantazh që në minutën e 15’ të sfidës. Ai luajti deri në përfundimin e ndeshjes, teksa u tregua deçiziv disa herë në repartin e mesfushës.

Dean Liço: Mesfushori i Skënderbeut zhvilloi një ndeshje përfekte në ndeshjen që korçarët fituan përballë Teutës me rezultatin 3-1. Liço ia doli të gjente dhe rrugën e rrjetës në minutën e 37’ të sfidës, teksa ktheu në gol një 11-metërsh.

Lorenco Vila: Sulmuesi i Dinamos ishte titullar në ndeshjen që Dinamo luajti përballë Erzenit. Edhe pse nuk arriti të gjente dot rrugën e rrjetës, Vila zhvilloi një ndeshje të mirë, duke krijuar disa herë raste që rrezikuan portën shijakase.

Patrick: Braziliani u rikthye nga dëmtimi në ndeshjen që ekipi tij Tirana, luajti përballë Kukësit. Edhe pse u fut në lojë në minutën e 83’ të sfidës, ai u bë lojtari kryesor që ndihmoi në përmbysjen që bardheblutë arritën. Patrick dhuroi dy asistime në minutat e fundit të sfidës, duke ndihmuar Tiranën të merrte një 3 pikësh mjaft me vlerë.

Franklin Ahanonu: Sulmuesi nigerian i Skënderbeut ndihmoi ekipin e tij që të merrte një fitore të merituar 3-1 në ndeshjen përballë Teutës. Nigeriani shënoi në minutën e 13’ golin e parë të ndeshjes, duke nisur një seri prej 4 golash të shënuar në këtë sfidë.

Ivan Gvozdenovic: Trajneri i Skënderbeut arriti të rikthehej tek fitorja, duke marrë një 3 pikësh që i ngre moralin ekipit. Edhe pse mbetën me 10 lojtarë që në fundin e pjesës së parë, tekniku i korçarëve ia doli që ta menaxhonte ekipin dhe rezultatin.

[caption id="attachment_713518" align="alignnone" width="741"]Formacioni i Javes Formacioni i Javes[/caption]

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga