Skuadra e Tiranës ka zbritur sot në fushë pas humbjes 2-1 në Korçë kundër Skënderbeut. Ashtu siç u bë me dije mbrëmjen e djeshme nga vetë Julian Ahmataj, tekniku elbasanas është rikthyer të drejtojë sërish bardheblutë. Seanca ka startuar në orën 11:00 dhe pas një fjalimi para skuadrës, ekipi ka filluar menjëherë nga puna për ndeshjen e radhës kundër Kukësit. 40-vjeçari është pritur mirë nga lojtarët të cilët kanë mbështetur vendimin e tij për t'u rikthyer.
Edhe pse në Korçë u mposhtën 2-1 nga të besuarit e Ilir Dajës, rikthimi i Julian Ahmataj ka krikuar një klimë pozitive brenda familjes kryeqytetase. Tashmë s'mbetet gjë tjetër, veçse lojtarët të tregojnë "muskujt" e tyre për të gjetur rezultatin pozitiv në takimin e fundjavës kundër verilindorëve. Ende nuk ka një axhendë zyrtare, pasi 24-herë kampionët e vendit po presin përgjigje për kërkesën zyrtare, ku kanë kërkuar zhvillimin e sfidës në "Air Albania Stadium". /Newsport.al/
Lexo gjithashtu
