Ndeshja mes Partizanit dhe Tiranës e cila ishte e vlefshme për javën e 24-të të “Abissnet Superiore”, përfundoi me fitoren e “Demave”. Derbi që u zhvillua në stadiumin “Air Albania”, përfundoi me rezultatin 2-1. Pas kësaj sfide për mikrofonat e MCN TV, ka folur autori i golit të parë për Partizanin, Xhuliano Skuka.
“Në çdo ndeshje futem me ndjesinë e golit. U futëm pak shumë të karikuar, na ndikoi për keq sepse Tirana shënoi shpejt. Por besoj që ia dolëm mirë dhe menaxhuam situatën. Është një meritë shumë e madhe e trajnerit, është normale që i kushtohet çdo fitore si kjo e sotmja. Patjetër trajnerit, tifozëve, stafit, të gjithëve, por kemi akoma pak punë për të bërë të them të drejtën.
Edhe pak punë për të ardhur në formë? Me sa pashë sot, duhet edhe shumë të them të drejtën. Nuk e di, u futa në pjesën e parë me motivim shumë të madh, siç e patë edhe vetë kisha zero presione edhe te penalltia. Në pjesën e dytë nuk e di se si ndodhi por emocionet më pushtuan. Unë ndjehem mirë vetëm të mbaj fanellën e Partizanit të veshur, edhe në portë e mesfushë. Pozicioni im është pykë, por me skemën e profesorit, ia dal shumë mirë”, është shprehur sulmuesi i Partizanit, Xhuliano Skuka.
Lexo gjithashtu
