Marash kumbulla prej disa muaj ndodhet jashtë fushës së blertë për shkak dëmtimi. Mbrojtësi i kombëtares është shumë afër rikthimit, teksa rikuperimi i tij është drejt fundit.
Te Roma, por edhe te kombëtarja shqiptare mund të festojnë. Sipas mediave italiane 23-vjeçari ditën e djeshme i është bashkuar grupit të lojtarëve dhe ka nisur strvitjen.
Siç duket lojtari kuqezi ka lënë më në fund dëmtimin pas dhe po bëhet gati për rikthimin në fushën e lojës për të marrë vendin e tij në repartin e mbrojtjes. Ky është një lajm i mirë për Jose Mourinhon dhe Sylvinhon. Për portugezin që shtohen alternativat dhe rikthet një element i rëndësishëm për ndeshjet e Europa League dhe Serie A, teksa braziliani i kombëtares mund të llogarisë shërbimet e tij për ndeshjet e Euro 2024.
Lexo gjithashtu
