Rikthimi në Superiore i Fernando Medeiro është çështje ditësh. Ish-kapiteni i Egnatias kërkohet nga disa ekipe në Superiore, saktësisht nga rrogozhinasit dhe nga Partizani.
Aventura e ish-kapitenit në Azerbajxhan nuk ka shkuar siç duhet dhe lojtari ka mbyllur bashkëpunimin me Sumgayin dhe do të rikthehet në Shqipëri. Tashmë braziliani ka vendosur se ku do të luajë, teksa ka zgjedhur edhe skuadrën e re.
28-vjeçari do të riveshë sërish fanellën e Egnatias, pasi drejtuesit kanë arritur ta bindin për rikthimin, duke lënë kështu “thatë” Partizanin. Në Rrogozhinë është një “idhull” dhe Fernando zgjedh të jetë sërish protagonist me skuadrën me të cilën u shpall kampion në sezonin e kaluar.
Rikthimi i tij sigurisht që do të gëzoj Edlir Tetovën, i cili fiton një lojtar për pjesën e dytë të sezonit. Fernando e njeh mjaft mirë ambientin e rrogozhinasve dhe kjo do ta ndihmojë të jetë sërish lider te kampionët.
Lexo gjithashtu
