Sfida përballë Polonisë, e vlefshme për kualifikimin në Kupën e Botës 2026, është e një rëndësie "jetike" për Shqipërinë, pasi Kombëtarja jonë e sheh ëndrrën "amerikane" vetëm dy hapa larg.
Në këtë duel vendimtar, kuqezinjtë e Sylvinhos do të luajnë me fanellat e zeza, ngjyra të cilat kanë "ndjellur" suksese historike për Shqipërinë në kualifikueset e viteve të fundit.
Gjithçka nisi me fitoren 3-0 përballë Armenisë, eleminatoret e para që na dërguan drejt Europianit të 2016-tës. Më pas, djemtë e Kombëtares fituan minimalisht 1-0 përballë Rumanisë në ndeshjen e tretë të këtij Europiani, me të njëjtën fanellë të veshur.
Vite më vonë, më saktësisht 2025, Shqipëria fitoi një tjetër "finale" 1-0 ndaj Moldavisë në transfertë, këtë herë me trajner Sylvinhon, çfarë i solli dhe kualifikimin e dytë historik në Euro 2025.
E fundit, por jo më pak e rëndësishme mbetet fitorja 1-0 në Andorrë, e cila i katapultoi në play-offin e Kupës së Botës, aty ku Shqipëria u shortua me Poloninë për një vend në Botërorin e 2026-tës që mbahet në Amerikë, Meksikë dhe Kanada.
E njëjta fanellë, e njëjta ngjyrë dhe arritje të rëndësishme për Shqipërinë në arenën ndërkombëtare. Kushedi, përballë Polonisë mund të përsëritet e njëjta gjë, pasi skuadra e Sylvinhos do të paraqitet, për koiçidencë, me fanellat e zeza.
View this post on Instagram
Lexo gjithashtu
