[caption id="attachment_4483" align="alignleft" width="300"]
Mavraj markon Giroud[/caption]
Qendërmbrojtësi i skuadrës kuqezi, Mërgim Mavraj, i cili ka qenë në lartësinë e duhur në këtë ndeshje, e cila për fat të keq u humb me rezultatin 2-0, ka folur për mediat në fund të ndeshjes. Ai ka treguar arsyet e tij pse Shqipëria nuk fitoi, ndërsa vlerëson gjendjen fizike si faktor kryesor për humbjen, por edhe mungesën e eksperiencës.
"Jemi mërzitur shumë. Nuk ka qenë e papritur, sepse Franca ka lojtarë të mirë dhe sulmon deri në minutën e fundit. Ata kanë zëvendësime me shumë cilësi. Duhet të kishim vëmendjen deri në fund. Fati nuk ishte me ne. Në këtë nivel një gabim i vogël vendos lojën. Pas ndeshjes jemi më të zgjuar se gjatë ndeshjes dhe i analizojmë më mirë gjërat. Në atë moment nuk kishte zëvendësim tjetër, nuk kishim zgjidhje tjetër, nuk kemi lojtarë me eksperiencë më shumë për ti futur në fazën me rëndësi. Kontribuoi shumë mirë, por fati nuk ishte me ne. Normalisht që lodhja është pjesë e lojës. Bëmë shumë lojë në fraksionin e parë të lojës. U lodhëm shumë dhe mënyra e lojës tonë lidhet me shumë sakrificë. Në fund nuk e di a ishte vetëm lodhja, por edhe fokusimi. I krijuam hapësirë Francës. Nuk është vetëm sfida fizike, por edhe sfida e trurit. Nuk besoj se është e lodhjes, por edhe e dëshirës që të mos e lëshosh atë që ndërtuam. Kemi shpresa për Rumaninë. Me këta djem besoj se do të jemi të fokusuar maksimalisht për ndeshjen e radhës. Me këtë moral do të bëjmë diçka të mirë sidomos për tifozët që na kanë mbështetur maksimalisht".
Lexo gjithashtu
