Marvin Ogunjimi dhe Cornel Pedresku janë dy largimet e para për Skënderbeun e sezonit të ardhshëm. Pavarësisht si do të mbyllet sezoni, dy përforcimet e dështuara të janarit do të lënë Shqipërinë për t’u rikthyer andej nga kanë ardhur. Newsport.al mëson se të dy lojtarëve i është komunikuar largimi por për t’u realizuar duhet pritur fundi i muajit i maj.
Edhe pse erdhën me shumë bujë dhe me shpenzime të mëdha financiare, të dy futbollistët nuk bindën. As belgu Ogunjimi i afruar për sulmin dhe as rumuni Predresku i afruar për të sjellë fantazinë e munguar në mesfushë.
Në krahun tjetër, newsport.al ka mësuar për drejtuesit e Skënderbeut kanë bërë gati rikthimin e brazilianit Eskuerdinha. Një vit më parë 26-vjeçari u largua nga Korça pasi nuk bënte pjesë në planet e Agostinelit. Braziliani luajti për gjashtë muaj në Portugali me Maritimon dhe më pas u transferua në Brazil tek Maduriera. Në qershor, Skënderbeu pritet ta rikthej sërish në Korçë.
Eskuerdinha kur luante për Skënderbeun
Cornel Predresku
Marvin Ogunjimi
Lexo gjithashtu
