Futbollisti i Kamzës, Ermir Rezi shihet si një ndër talentet më premtues të Kampionatit Shqiptar.
Edhe pse vetëm 23 vjeç, Rezi ka luajtur në disa nga klubet më të njohura në vend, si Teuta, Dinamo, Elbasani dhe vitin e kaluar për Erzenin.
Durrsaku shënoi një gol të shkëlqyer në ndeshjen e javës që lamë pas, kundër Skënderbeut, duke i surprizuar të gjithë.
Rezi flet në një intervistë për newsport.al për aventurën te Kamza, marrëdhëniet me ekipin e deri te e ardhmja.
Intervistoi: Klevin Muka
-Përshëndetje Ermir, si ndihesh qe I shenove Skenderbeut favorit? Kujt ja dedikon golin?
Gjithmonë është kënqaqesi të shënosh, por kundër Skënderbeut është ndjesi e veçantë. Golin ja dedikoj tifozëve të Kamzës.
-Si ndiheni tashmë në Superiore, ku e shihni Kamzën në këtë sezon?
Ndihem shumë mirë shumë i lumtur, kemi një ekip të mirë dhe e shoh ekipin në 5 vendet e para këtë sezon
-Kë shihni si ekip favorit, po si më të dobët?
Superiorja është rritur shumë dhe ekipet janë të gjitha shumë të forta, smund të veçoj asnjë skuadër.
-Po Teutën si e shihni këtë sezon?
Teuta është skuadër shumë e mirë, e shoh shumë të fortë këtë sezon.
-Marrëdhëniet me shokët e ekipit si i keni, me kë shkoni më shume në lojë? Po me Sebinon?
Në ekip jemi të gjithë njëlloj, Sebino është kapiteni ynë që na drejton dhe jam shumë i lumtur që jam në një ekip me Plakun.
-Po trajneri, çfarë stili loje deshiron te shohi ne ekip?
Trajneri nuk përqëndrohet vetëm te një stil loje, ai përdor shumë skema në stërvitje.
-Je vetëm 23 vjeç dhe e ke të ardhmen përpara, ku e sheh veten pas disa vitesh? Cilat jane objektivat e tua personale?
E kam mendjen vetëm te Kamza, dua të bëj mirë këte vit këtu, më vonë çfarë të jetë e shkruar. Unë gjithmonë do bëj maksimumin.
-Shume faleminderit per intervisten Ermir, ndonje gjë te fundit per te shtuar ke?
Po, doja të ftoja gjithë tifozët e Kamzës, të jenë sa më të shumtë në mbështetje të ekipit, i premtoj që nuk do zhgenjehen.
Lexo gjithashtu
