Partizani do të presë Egnatian në shtëpi ditën e hënë në orën 18:30 në Arenën e Demave për të zhvilluar ndeshjen e javës së 4-të të Abissnet Superiore. Të kuqtë kërkojnë 3 pikët e rradhës për të mos e ndalur hapin, por të njëjtën kërkojnë edhe kundërshtarët rrogozhinas që do të jenë rival për titullin këtë sezon.
Ekipi zhvilloi dje stërvitjen e parë dhe me skuadrën ishte edhe fytyra e re, Emiliano Vila. Mesfushori riveshi fanellën e kuqe dhe do të ndihmojë skuadrën në realizimin e objektivave. Një lajm tjetër i mirë për trajnerin Zekic është edhe rikthimi i sulmuesit Eros Grezda. Anësori duket se ka lënë pas dëmtimi ne pësuar dhe ka marrë pjesë në stërvitje me grupin, siç shihet në fotot e postuara nga klubi.
Mungesa të sigurta vijojnë të jenë Maguette që mori karton të kuq me Vllazninë, Da Silva dhe Mensah ndërsa Hadroj mbetet në dyshim, por as tek ai nuk ka ndonjë shpresë për të qenë i gatshëm.
Lexo gjithashtu
